І плакалі анёлы

І плакалі анёлы, гледзячы на тое,

Што прыйшлося нам усім прайсці.

І плакалі анёлы, і Богу дакладалі,

Але на жаль у пекла не змог ён сам сысці.

І пелі дзеткі ў хоры, маліліся бабулі:

"Не можам больш такое мы трываць."

Нас ботамі тапталі, у нас ляцелі кулі,

Але на жаль на небе нашых крыкаў не чуваць.

Але мы не здадзімся, не можам мы спыніцца,

Не атрымаўшы на мальбы адказ.

І можа быць аднойчы, калі ўзыдзе сонца,

У промені свабоды наш Бог нарэшце заўважыць нас.

(с) Я

Адзін Беларус