Кветак больш не будзе

Кветак больш не будзе,

На душы зіма,

Пра вясну свабоды

Марылі дарма.

Лёд у нашых сэрцах,

Іней на шчаках,

У вачах краіны

Мы чытаем жах.

Шэрыя калоны

Крочаць у цішы,

Мы не бачым сонца

І ў сябе сышлі. 

Як у турме халоднай

Мы жывем з табой,

Але будзе цёпла

За лютаю зімой.

Мы не прайгралі,

З трасы не сышлі,

Нас з табой не знішчыць,

Мы шчасця кавалі.

Мова - наша зброя,

А яднанне - моц,

Разам пераможам,

Пасвятлее ноч.

Кветак больш не будзе,

Прыйдзе час байцоў,

Тых, хто не саступіць,

Сапраўдных змагароў.

(С) Я

Тэгі: # барацьба # верш # свабода