Маці

Адпусці ты мяне маці,

Адпусці ты пагуляці,

Не хачу пакуль я спаць,

Буду з хлопцамі гуляць.

Маці, маці, маці-і-мачыха,

Адпусці ты пагуляці нас.

Змрок ляжыць не бачна зорак,

Адпусці ты за пагорак.

Маці, любая мая,

Я ж крывінушка твая,

Адпусці мяне на волю,

Не трымай у сэрцы болю.

Маці, маці, маці-і-мачыха,

Адпусці ты пагуляці нас.

Змрок сыйшоў, на небе зоркі,

Пабяжым мы за ўзгоркі.

Ах матуля ты матуля,

Будзь жа ж добрай як бабуля,

Пабяжым мы ва ўсю моц,

Маніць нас святая ноч.

Маці, маці, маці-і-мачыха,

Адпусці ты пагуляці нас.

Ноч ідзе, нам час так дораг

Адпусці ты нас да зорак.

Маці, маці дарагая,

Ты ж каханая не злая,

Любім мы цябе заўжды,

Не чакай ад нас бяды.

Маці, маці, маці-і-мачыха,

Адпусці ты пагуляці нас

Сыйдзе ноч і ўзыйдзе сонца

Ляжам спаць мы пад ваконца.

Адзін Беларус