Бяжы ад ілжы

Поўны месяц мне з усходу

Святлом азарыў мяжу,

Па дарозе да касмапорту

Я табе ў Тэлеграм пішу.

   Бяжы! ... За табой ідзе пагоня.

   Людзі ў масках нас не дагоняць.

   Хутка ўзмыем мы ад ілжы.

   Бяжы! Бяжы! Бяжы! ...

Уцякплі ад іх на Нямізе,

На Чыжоўцы мы далі ім бой,

Барыкады рабілі на Рызе 

А яны ўсё бягуць за табой.

   Бяжы! ... За табой ідзе пагоня.

   Людзі ў масках нас не дагоняць.

   Хутка ўзмыем мы ад ілжы.

   Бяжы! Бяжы! Бяжы! ...

Ваўкалакі бягуць у пагоні,

Лёс такі ў рэжыму сабак,

Хочуць усіх пакусаць і зняволіць,

Каб не чуўся свабоды і пах.

   Бяжы! ... За табой ідзе пагоня.

   Людзі ў масках нас не дагоняць.

   Хутка ўзмыем мы ад ілжы.

   Бяжы! Бяжы! Бяжы! …

У цёмным лесе дарогі не бачна,

Мы з табою вядзёныя страхам.

Але вось і касмічны наш шатл...

Не дастанемся мы ваукалакам. 

   Бяжы! ... За табой ідзе пагоня.

   Людзі ў чорным нас не дагоняць.

   Тры! ... Два! ... Адзін!!!

   Ляцім! Ляцім! Ляцім! ...

- Тры! ... Два! ... АдзÍн!!!

Ляцім! Ляцім! Ляцім! …

Тэгі: # песня # Цэнтаўра Бэта