Піраты

Зоры. Каметы. Планеты. Прасторы.

Галактыкі. Чорныя дыры. Сузор'я.

У цемры начной мы наперад ляцім,

Да новага дома - туды мы хацім.

Цішыня... 

Адзін капітан на мастку.

У шосты раз перачытвае Філіпенку....

Каманда спіць.

Кроў спыніў крыя-мароз.

Усе пагрузіліся ў анабіёз.

Старпам адпачывае пад песні Башлыкевіча,

Хутка ўжо змена, 

і будзе чытаць Бахарэвіча...

У інжынерным усё спакойна і ціха,

Рухавік працуе! ...

- Цьфу-Цьфу-Цьфу! ... Не будзі, ты, ліха!

Навошта пра яго ўспомніў, брат?!

Гэта немагчыма... 

але нас атакуе касмічны пірат!

Трывога з усіх дынамікаў карабля, 

Каманда пасады свае заняла, 

Астатнія - хто не спіць,

У грузавы адсек са зброяй бяжыць.

Адразу ўспомніў Алісу і Колю з шостага “В”,

І скептыка дзядзю Пашу 

з шляпай на галаве,

І Вэртэра робата вернага, 

якога пачвары забілі.

Таму я не доўга думаў, 

Аддау загад: - Плі! Плі!! Плі!!!

Мы даем са ўсіх гарматаў 

Моцны лазерны бах-ба-бах!

Няхай ведаюць беларусаў...

Нікому не спыніць наш шлях...

Тэрміновае паведамленне па караблі:

Скончаны бой, апушаны абаронныя палі.

Піратаў няма, трывогі адбой.

У космас нясем мы дабро і спакой.

Старпам на мастку змяніў капітана,

Курс на Цэнтаўра Бэта ізноў абраны.

Зоры. Каметы. Планеты. Прасторы.

Галактыкі. Чорныя дыры. Сузор'я.

У цемры начной мы наперад ляцім,

Да новага дома - туды мы хацім.

Тэгі: # песня # Цэнтаўра Бэта